بێگانه نه‌ڵێن که کورد نه‌زانن بێ نووسه‌رو هۆنه‌رو زمانن
پێمان نه‌ڵێ وێژه وانی بیر ورد دڵدارێ نه‌بوو له نێو گه‌لی کورد
کوائێوه نه دڵته‌ڕن نه دڵبه ر له‌م ڕێگه یه نه ڕێڕه‌ون نه ڕێبه ر
کورد هێنده نه گێل و گێژو کاسن داخم ئه‌وه بێ که‌سن که‌ساسن
ژیرو به دڵن گه‌لێک ده‌زانن بێ خێوی‌یه بێ سه‌رو زمانن
بۆمه‌ش که هه‌بایه خێوو سه‌ردار به‌خشنده وژیرو زیت و وشیار
ژیری و هونه‌ری به دڵ کڕیبا ژه‌نگی له دڵی هه‌ژار سڕیبا
من ئێسته له کۆڕی وێژه‌وانان ئاڵام ده‌شه‌کا له عاسمانان
ده‌مخسته وه‌ژین مه‌لای جزیری پێم زیندوو ده‌بوو عه‌لی حه‌ریری
وا شاد ئه‌بوو پێم فه‌قیهی ته‌یران گیانی به‌فڕین ده‌هاته سه‌یران
چبکه‌م که گه‌لێ که ساده بازاڕ کووتاڵه که باشه نیمه کڕیار
پایه‌ی هونه‌ران به پاره به‌نده هه‌رکه‌س که هه‌ژاره کاری گه‌نده
هه‌رکه‌س له ڕێگه‌ی دراو و قۆشه سه‌رخۆشه نه‌خۆشه دڵ په‌رۆشه
Keine Kommentare:
Kommentar veröffentlichen